Studieteknikk i ein digital skulekvardag.

[Ragnar Didrik Osdal]

Eg sit for tida og funderer på å skrive eit blogginnlegg om korleis ein kan drive effektiv studieteknikk i ein digital skulekvardag, og vil vere takksam for gode innspel og refleksjonar rundt dette temaet.

Den ”gamle studieteknikken” som ofte var knytt opp til å arbeide ”fysisk” med læreboktekstar, skrive notat, streke under nøkkelord, skrive i margen etc., har ikkje same relevansen lenger, slik eg ser det. Då elevane ikkje eig skulebøkene lenger, vert dei i praksis hindra i nytte desse strategiane. Dei digitale læremidla som no ligg føre er ofte kortfatta (t.d. NDLA), slik at tekstane allereie er ferdig ”destillerte” ned. Mange læremiddel har dessutan ferdige stikkordslister for lærestoffet, t.d. mange av LOKUS sine læreboksider. Mange av elevane ser då ikkje relevansen i å gjennomføre arbeidsoppgåver som gir liknande resultat.

Eg veit at det finst Web 2.0-verkty som let ein markere tekst og sette inn notatar (t.d. a.nnotate og Diigo), men er det nokon som har praktiske erfaringar med desse verkty på klassenivå? Liknande ting går an å gjere med Scrapbook i Firefox, men då berre på individuelt nivå? Sjølv har eg prøvd ut digitale tankekart og tidslinjer som studieteknisk verkemiddel, men desse teknikkane kan ikkje brukast til alt.

Med tanke på at mange av elevane mine i mange år framover kjem til å måtte arbeide med både fysiske og digitale tekstar, då som studentar, føler eg at gode strategiar rundt studieteknikk burde vere eit viktig satsingsområde.

Innspel og refleksjonar vert som sagt mottekne med takk!