Sigbjørn Halss side

Hei!
Grunnen til at eg melde meg inn i d&b er at eg er spesielt interessert i bruk av digitale hjelpemiddel i matematikkopplæringa. Her er det stor sjanse for å plukke opp nye idear og lære meir. Kanskje kan eg bidra litt sjølv også :-)

Eg har jobba som lektor på Fjell ungdomsskule på Sotra frå 1982 til 1989 og på Måløy vid. skule frå 1989 og fram til eg no har to års permisjon som stipendiat for å ta ein mastegrad i matematikkdidaktikk ved UiA. Det er veldig kjekt og lærerikt. Ein blir aldri utlærd, og som sonen min på 13 seier: No kan du snart reise gratis på bussen, pappa. Du får både student- og honnørrabatt :-)

I dei siste åra har eg jobba mykje med gratisprogrammet GeoGebra, som eg omsette til bokmål og nynorsk i 2006. Dette er nok blitt eitt av dei mest populære matematikkprogramma i norsk skule frå barnetrinn til universitet og høgskular. Ser vi på eksamensoppgåvene i matematikk for vgs, er fleire av figurane der laga med nettopp GeoGebra. Sjå www.geogebra.no og www.geogebra.org for meir info om dette programmet.

Elles har eg fått vere med i eit team som skriv lærebøker i matematikk for vgs og fått reist mykje rundt og treft trivelege og flinke folk som kurshaldar for forlaget og som ressursperson for Matematikksenteret ved NTNU. Det er mykje entusiasme og kompetanse rundt om i kongeriket, så idéen om å dele idéar og erfaringar er eg sterk tilhengar av!

Mvh
Sigbjørn